२०८१ फाल्गुन १७, शनिबार ०७:१५

मुख्यमन्त्री सतीशकुमार सिंहले जनकपुरधाम कला र संस्कृति स्थल रहेकाले यसको प्रचारप्रसार आवश्यक रहेको बताएका छन् ।

जनकपुरधाममा शुक्रबार तीन दिने जनकपुर अन्तर्राष्ट्रिय चलचित्र महोत्सवको उद्घाटन गर्दै उनले समाज परिवर्तनमा सिनेजगतको महत्वपूर्ण भूमिका रहेको चर्चा गरे । सिनेमा महोत्सवले मिथिलाको कला संस्कृतिलाई विश्व बजारमा पु¥याउनमा मद्दत पुग्ने उनले बताए । उनले अभिभावकले आफ्ना बालबालिकाको हुनर पहिचान गरी अगाडि बढाउनुपर्ने भन्दै उनले यस प्रकारको महोत्सवहरु जनकपुरधाममा हुँदा कलाकारहरु पनि उत्पादन हुने बताए ।

कार्यक्रममा पूर्वमन्त्री जुली महतोले जनकपुरधामको विश्वमा छुट्टै पहिचान भएको भन्दै यहाँको कला संस्कृतिको साथसाथै यसको गरिमा धेरै महत्वपूर्ण रहेको बताए । उनले जनकपुरधाममा पनि फिल्मको छायाँकन हुन सक्ने किसमको वातावरण तयार गर्नका लागि सबैको सहयोग आवश्यक भएको जानकारी दिए । उनले जनकपुरधामको विकासमा धेरै पूर्वाधारको आवश्यकता रहेको भन्दै ती पूर्वाधारहरु निमार्णका लागि तीनतहकै सरकारको सहयोग आवश्यक भएको बताए ।

श्रम तथा यातायात मन्त्री कौशलकुमार यादवले नेपाली फिल्मलाई समेत विश्व बजारमा पु¥याउनका निमित यस प्रकारको महोत्सवको आवश्यकता रहेको भन्दै हाम्रा धार्मिक, सांस्कृतिक र परम्पराहरुलाई सिनेमाका माध्यमबाट विश्व समुदायलाई देखाउन सकिने बताए ।

प्रदेशसभा सदस्य राम सरोज यादवले समाजमा रहेका विकृतिहरु अन्त्यका लागि चेतना जगाउने काममा सिनेमा सबैभन्दा सबल माध्यम रहेको बताए । नेकपा (एमाले)का मधेश प्रदेशका संसदीय दलका उपनेता दीपेन्द्र ठाकुरले जनकपुरधाम एउटा ऐतिहासिक स्थल भएकाले यसको विशेषतालाई विश्व समक्ष पु¥याउने काममा सिनेमाको महत्वपूर्ण भूमिका रहेको बताए ।

विश्व हिन्दु महासंघ नेपालका उपाध्यक्ष ज्योत्सना साउदले सिनेमा उद्योगलाई नयाँ उचाइमा पु¥याउने बताए ।

सो कार्यक्रममा मैथिली विकास कोषका अध्यक्ष जीवनाथ चौधरीसहितकाले महोत्सवको सफललताका लागि शुभकामना व्यक्त गरे । मैथिली विकास कोषको भवनमा तीन दिन सम्म चल्ने उक्त महोत्सवमा दस विधाबाट चयन भएका कुल ७८ वटा फिल्म प्रदर्शन गरिने योजना रहेको जनाइएको छ ।

Comment


Related News

Latest News

Trending News